تلنگانہ وائس | عادل آباد
پولیس چالان سے بچنے کے لیے جعلی نمبر پلیٹ کا استعمال، چوہان چندرشیکھرگرفتار اور ریمانڈ
پولیس کی گاڑیوں کی تلاشی کے دوران جعلی نمبر پلیٹ والی گاڑی پکڑی گئی
عادل آباد ٹو ٹاؤن انسپکٹر کے۔ ناگراجو
عادل آباد۔یکم/اکتوبر(تلنگانہ وائس)
عادل آباد ٹو ٹاؤن پولیس اسٹیشن کے حدود میں پولیس کی جانب سے گاڑیوں کی تلاشی کے دوران ایک شخص کو مشتبہ حالت میں پکڑ لیا گیا۔ پولیس کے مطابق، مذکورہ شخص پولیس کو دیکھ کر فرار ہونے کی کوشش کر رہا تھا، جس پر پولیس نے اسے روک کر گاڑی کی تلاشی لی۔
پولیس کی پوچھ گچھ میں اس شخص کی شناخت چوہان چندرشیکھر (59)، ولد شیکھر، ساکن تاٹی گوڑہ کے طور پر ہوئی۔
پولیس کے مطابق، چندرشیکھر نے اپنی گاڑی پر حیدرآباد سے تعلق رکھنے والی ایک دوسری گاڑی کا نمبر پلیٹ نصب کر رکھا تھا اور پولیس چالان سے بچنے کے مقصد سے اس نمبر پلیٹ کے ساتھ گاڑی چلا رہا تھا۔
Advertising
اس معاملے میں عادل آباد ٹو ٹاؤن پولیس اسٹیشن میں مقدمہ درج کرتے ہوئے ملزم کو گرفتار کر کے عدالت میں پیش کیا گیا، جہاں سے اسے ریمانڈ پر بھیج دیا گیا۔
Advertising
ٹو ٹاؤن انسپکٹر کے۔ ناگراجو نے بتایا کہ کسی دوسری گاڑی کے نمبر پلیٹ کو غیر قانونی طور پر استعمال کرنا قانوناً جرم ہے۔ پولیس نے خبردار کیا کہ اس طرح کی غیر قانونی سرگرمیوں میں ملوث افراد کے خلاف سخت کارروائی کی جائے گی۔
Advertising
تلنگانہ وائس — بے باک صحافت، سچ کی آواز
