عادل آباد میں سدّولا بتکما کی تقریبات جوش و خروش سے منعقد قدرت کے تحفظ کے ساتھ پانی کی بچت بھی ہر شہری کی ذمہ داری ہے ۔ کلکٹر راجرشی شاہ

عادل آباد میں سدّولا بتکما کی تقریبات جوش و خروش سے منعقد

قدرت کے تحفظ کے ساتھ پانی کی بچت بھی ہر شہری کی ذمہ داری ہے ۔ کلکٹر راجرشی شاہ

عادل آباد، 18 اکتوبر (تلنگانہ وائس) تلنگانہ کی ثقافت اور روایات کی علامت سدّولا بتکما تہوار عادل آباد میں جوش و خروش کے ساتھ منایا گیا۔ اتوار کی شب اندرا پریہ درشنی اسٹیڈیم میں محکمہ پنچایت راج اور دیہی ترقی کے زیر اہتمام منعقدہ تقریبات کا ضلع کلکٹر راجرشی شاہ نے خصوصی پوجا کے بعد افتتاح کیا۔

اس موقع پر ایس پی اکھل مہاجن، میونسپل چیئرپرسن بنڈاری انوشا اور مارکیٹ کمیٹی چیئرمین سرینواس ریڈی سمیت خواتین، نوجوان لڑکیوں، عوامی نمائندوں اور عہدیداروں نے شرکت کی۔ ثقافتی پروگراموں اور بتکما گیتوں سے اسٹیڈیم میں تہوار کا ماحول چھا گیا۔

Advertising

کلکٹر راجرشی شاہ نے کہا کہ بتکما تہوار تلنگانہ کی ثقافت اور فطرت سے جڑی روایات کی عکاسی کرتا ہے۔ انہوں نے عوام سے اپیل کی کہ مستقبل میں پانی کی قلت سے بچنے کے لیے ابھی سے پانی کی بچت کو ترجیح دیں، پانی کی ایک بوند بھی ضائع نہ کریں، قدرتی وسائل کا تحفظ کریں اور بجلی کا کفایتی استعمال کریں۔

تقریبات کے دوران مختلف منڈلوں کی خواتین تنظیموں کی نمایاں کارکردگی کا مظاہرہ کرنے والی ارکان میں کلکٹر اور دیگر عوامی نمائندوں کے ہاتھوں انعامات تقسیم کیے گئے۔ کلکٹر نے ضلع کے عوام کو دسہرہ کی مبارکباد دیتے ہوئے نیک خواہشات کا اظہار کیا۔

#TelanganaVoice #Adilabad #SaddulaBathukamma #BathukammaCelebrations #RajarshiShah #AkhilMahajanIPS #TelanganaCulture #TelanganaNews #Dussehra2026