عادل آباد میں تلنگانہ عوامی حکمرانی دن کی تقریب، محمد علی شبیر نے قومی پرچم لہرایا

عادل آباد، 17 ستمبر (تلنگانہ وائس) تلنگانہ عوامی حکمرانی دن کی تقریبات کے سلسلے میں جمعرات کو عادل آباد کلکٹریٹ کے احاطے میں پروقار تقریب منعقد ہوئی۔ تقریب کے مہمانِ خصوصی حکومت کے مشیر محمد علی شبیر نے پولیس کی جانب سے پیش کردہ گارڈ آف آنر کا معائنہ کیا اور قومی پرچم لہرایا۔

اس موقع پر محمد علی شبیر نے شہیدانِ تلنگانہ کی یادگار پر پھول نچھاور کرتے ہوئے امر شہیدوں کو خراجِ عقیدت پیش کیا۔

بعد ازاں تلنگانہ ہاکی اکیڈمی کے لیے منتخب ضلع کے 15 کھلاڑیوں کو حکومت کے مشیر محمد علی شبیر کے ہاتھوں ہاکی اسٹکس اور 30 ہزار روپے نقد رقم پیش کی گئی۔ انہوں نے منتخب کھلاڑیوں کو مبارکباد دیتے ہوئے ان کے روشن مستقبل کے لیے نیک خواہشات کا اظہار کیا۔

تقریب میں ضلع کلکٹر راجَرشی شاہ، ایس پی اکھل مہاجن، رکن اسمبلی پائل شنکر، ایڈیشنل کلکٹر آر۔ایس۔ چِترو، ایس۔ راجیشور، ضلع لائبریری ادارے کے چیئرمین نرسیا، میونسپل چیئرپرسن بنداری انوشا، مارکیٹ کمیٹی چیئرمین سری کانت ریڈی، سب کلکٹر پرنئے کمار، ایڈیشنل ایس پی مونیکا، اے ایس پی رتھوک سائی کوٹے، ڈی ایس پی جیون ریڈی سمیت مختلف محکموں کے عہدیداران، عوامی نمائندے، شہر کی اہم شخصیات اور عوام کی بڑی تعداد نے شرکت کی۔

Advertising