سنگٹھن سِرجن ابھیان: انیل کمار عادل آباد DCC کے آرگنائزیشن انچارج مقرر

عادل آباد، 24 ستمبر(تلنگانہ وائس) کانگریس پارٹی کی تنظیمی سرگرمیوں کو مزید مستحکم بنانے کے مقصد سے شروع کیے گئے ’’سنگٹھن سِرجن ابھیان‘‘ کے تحت انیل کمار کو عادل آباد ضلع کانگریس کمیٹی (DCC) کا آرگنائزیشن انچارج مقرر کیا گیا ہے۔

اے آئی سی سی اور ٹی پی سی سی قیادت کی ہدایات اور رہنمائی کے مطابق عادل آباد ضلع کانگریس کمیٹی کے صدر ڈاکٹر نریش جادھو نے ان کی تقرری کے احکامات جاری کیے۔ احکامات کے مطابق یہ تقرری فوری طور پر نافذ العمل ہوگی۔

پارٹی ذرائع کے مطابق انیل کمار ایک سینئر اور تجربہ کار قائد ہیں۔ وہ ضلع میں کانگریس پارٹی کے تنظیمی امور، پروگراموں کے انعقاد اور مختلف سرگرمیوں کے درمیان تال میل کو مؤثر بنانے کی ذمہ داری انجام دیں گے۔

Advertising