عادل آباد۔30/اگست (تلنگانہ وائس)
ضلع عادل آباد سولجرز ٹیم فاؤنڈیشن کے صدر شیخ ارباز، فرزند عبدالرزاق (سینئر کانگریس پارٹی لیڈر) کو سماجی خدمات کے اعتراف میں ’’بھارت کلا ویبھو ایوارڈ‘‘ سے نوازا گیا۔
پٹل واڑہ، عادل آباد سے تعلق رکھنے والے شیخ ارباز گزشتہ دو سال سے سولجرز گروپ کے ذریعے سرکاری ملازمتوں کے خواہشمند غریب طلبہ کی رہنمائی کر رہے ہیں۔ وہ ضرورت مند امیدواروں کو مفت کتابیں فراہم کرنے کے علاوہ سرکاری ملازمتوں کے امتحانات کی تیاری میں بھی تعاون کرتے ہیں، جس کے نتیجے میں کئی طلبہ سرکاری ملازمتیں حاصل کرنے میں کامیاب ہوئے ہیں۔
شیخ ارباز NCC کیڈٹ سی سرٹیفکیٹ ہولڈر بھی ہیں۔ حیدرآباد کے بی ایم سائنس میوزیم میں واقع بھاسکر آڈیٹوریم میں منعقدہ تقریب کے دوران انہیں دُھوم ڈانس اسٹوڈیو اور پرگتی فاؤنڈیشن کی جانب سے ایوارڈ پیش کیا گیا۔
Advertising
تقریب میں سولجرز ٹیم فاؤنڈیشن کے بانی چوہان کرشنا، پرگتی فاؤنڈیشن کے چیئرمین ڈاکٹر کلواکُرتی اریپودین، دُھوم ڈانس اسٹوڈیو کے بانی عظیم، پریزیڈنٹ ایوارڈ یافتہ ساجد خان اور دیگر نے شرکت کی۔
Advertising
اس موقع پر شیخ ارباز نے کہا کہ تلنگانہ میں نوجوانوں کو سماجی خدمت کے لیے آگے آنا چاہیے۔ انہوں نے بتایا کہ سولجرز ٹیم فاؤنڈیشن کے تقریباً 70 سے 80 ہزار طلبہ پر مشتمل گروپ سے تلنگانہ اور آندھرا پردیش کے طلبہ سرکاری ملازمتوں کے سلیبس، نوٹیفکیشن، تیاری کے شیڈول اور دیگر رہنمائی مفت حاصل کر سکتے ہیں۔
Advertising
انہوں نے سرکاری ملازمتوں کی تیاری کرنے والے طلبہ سے سولجرز ٹیم فاؤنڈیشن کے بانی کرشنا چوہان 9492622956، 9542850313 یا ضلع صدر شیخ ارباز سے رابطہ کرنے کی اپیل کی۔
