موٹر سائیکل چوری کی کوشش، نوجوان گرفتار
عادل آباد، 9/اگست(تلنگانہ وائس) عادل آباد ون ٹاؤن پولیس اسٹیشن کے حدود میں موٹر سائیکل چوری کرنے کی کوشش کرنے والے ایک نوجوان کو سیکیورٹی اہلکاروں نے رنگے ہاتھوں پکڑ کر پولیس کے حوالے کردیا۔ یہ واقعہ لٹل اسٹار ہائی اسکول کے سامنے پیش آیا۔
گرفتار ملزم کی شناخت بوروپلی وگنیش وامسی (23) ساکن سکندرآباد کے طور پر ہوئی ہے، جو پیشہ سے سوئگی ڈیلیوری بوائے بتایا گیا ہے۔ سیکیورٹی اہلکاروں نے اسے موٹر سائیکل چوری کرنے کی کوشش کرتے ہوئے مشتبہ حالت میں پکڑا۔
Advertising
پولیس نے ملزم کے قبضہ سے 2 گرام گانجہ، ایک ریڈمی 5G موبائل فون، ایک سکریو ڈرایور اور اسٹیل کی قینچی برآمد کی۔ پولیس کے مطابق ضبط شدہ گانجے کی مالیت تقریباً 400 روپے ہے۔
Advertising
ون ٹاؤن انسپکٹر بی. سنیل کمار نے بتایا کہ ابتدائی تفتیش میں انکشاف ہوا ہے کہ ملزم گانجے کا عادی تھا اور منشیات خریدنے کے لیے رقم حاصل کرنے کی غرض سے موٹر سائیکلوں کی چوری کرتا تھا۔
Advertising
پولیس نے مزید بتایا کہ ملزم کا ماضی بھی مجرمانہ سرگرمیوں سے وابستہ رہا ہے۔ حیدرآباد میں اس کے خلاف پہلے ہی 6 مقدمات درج ہونے کا انکشاف ہوا ہے، جن میں چوری کے 5 اور قتل کا ایک مقدمہ شامل ہے۔
Advertising
عادل آباد ون ٹاؤن پولیس نے ملزم کے خلاف موٹر سائیکل چوری کی کوشش اور گانجہ رکھنے کے الزام میں مقدمات درج کرکے اسے عدالتی تحویل میں بھیج دیا ہے۔
Advertising
اس کارروائی میں ون ٹاؤن سب انسپکٹر ناگناتھ کے علاوہ پولیس اہلکاروں اور سیکیورٹی عملہ نے حصہ لیا۔
