عوامی فلاح و بہبود حکومت کا اولین مقصد — وزیر جوپلی کرشنا راؤ
عادل آباد، 13/ جون(تلنگانہ وائس)
عادل آباد ضلع انچارج وزیر جوپلی کرشنا راؤ نے کلکٹریٹ کانفرنس ہال میں ایک پریس کانفرنس سے خطاب کرتے ہوئے ضلع میں نافذ مختلف سرکاری فلاحی اسکیموں کی پیش رفت اور عوامی بہبود کے اقدامات پر تفصیلی روشنی ڈالی۔
وزیر موصوف نے کہا کہ ریاستی حکومت عوامی فلاح و بہبود کو اپنا بنیادی ہدف بنائے ہوئے ہے اور مختلف فلاحی اسکیموں کو شفاف انداز میں نافذ کر رہی ہے۔ انہوں نے کہا کہ حکومت اس بات کو یقینی بنانے کے لیے تمام ضروری اقدامات کر رہی ہے کہ ہر مستحق فرد تک سرکاری اسکیموں کے فوائد پہنچیں۔
اشتہار۔ ۔۔۔۔۔۔۔Advertisment
انہوں نے بتایا کہ کسانوں، خواتین، طلبہ، بزرگ شہریوں اور غریب خاندانوں کی ترقی اور بہبود کے لیے حکومت خصوصی توجہ دے رہی ہے اور ان طبقات کو معاشی و سماجی طور پر مضبوط بنانے کے لیے متعدد پروگرام جاری ہیں۔
جوپلی کرشنا راؤ نے کہا کہ ضلع میں فلاحی اسکیموں کے نفاذ پر افسران مسلسل نگرانی کر رہے ہیں اور عوام کو بلا رکاوٹ خدمات فراہم کرنے کے لیے حکومت پوری طرح پابند عہد ہے۔
اس موقع پر رکن اسمبلی ویڈما بھوجوپٹیل، میونسپل چیئرپرسن بنڈاری انوشا، مارکیٹ کمیٹی چیئرمین سرکانت ریڈی، ضلع لائبریری ادارہ کے چیئرمین ملے پھول نرسیّا سمیت دیگر عوامی نمائندے اور عہدیداران موجود تھے۔
