عادل آباد میں نئی اسسٹنٹ فوڈ کنٹرولر آفیسر محترمہ پی۔ امرتا شری نے عہدے کا چارج سنبھال لیا
عادل آباد، 9/ جولائی(تلنگانہ وائس) ریاستی فوڈ سیفٹی کمشنر کی ہدایات کے مطابق محترمہ پی۔ امرتا شری نے جمعرات کو عادل آباد ضلع کی اسسٹنٹ فوڈ کنٹرولر کی حیثیت سے اضافی ذمہ داریاں سنبھال لیں۔ عہدہ سنبھالنے کے بعد انہوں نے ضلع کلکٹر راجرشی شاہ سے کلکٹریٹ میں ملاقات کرکے انہیں گلدستہ پیش کیا۔
اس موقع پر پی۔ امرتا شری نے کہا کہ ضلع میں عوام کی صحت کے تحفظ کو اولین ترجیح دیتے ہوئے فوڈ سیفٹی کے تمام معیارات پر سختی سے عمل درآمد کرایا جائے گا۔ انہوں نے کہا کہ تمام فوڈ مینوفیکچررز، ڈسٹری بیوٹرز، ہوٹلوں، ہاسٹلوں، ریستورانوں اور سڑک کنارے کھانے پینے کی اشیاء فروخت کرنے والے چھوٹے تاجروں کے لیے فوڈ سیفٹی لائسنس یا رجسٹریشن لازمی ہے۔
انہوں نے تاجروں سے اپیل کی کہ وہ FSSAI کی سرکاری ویب سائٹ پر دستیاب آن لائن درخواست کے ذریعے فوری طور پر لائسنس حاصل کریں اور صرف معیاری و حفظانِ صحت کے اصولوں کے مطابق تیار شدہ غذائی اشیاء ہی فروخت کریں۔ خلاف ورزی کرنے والوں کے خلاف قانون کے مطابق سخت کارروائی کی جائے گی۔
انہوں نے بتایا کہ غذائی اشیاء کے معیار سے متعلق شکایات یا معلومات کے لیے عوام 9908978790، 9059809823 اور 9618554411 پر فون کرکے یا براہِ راست دفتر سے رابطہ کر سکتے ہیں۔
🍽️ Adilabad mein New Assistant Food Controller Officer ne charge sambhal liya
P. Amrutha Sri ne zila Assistant Food Controller ki zimmedariyan sambhal leen. Unhon ne kaha ke awaam ki sehat ke tahaffuz ke liye Food Safety qawaneen par sakhti se amal karaya jayega. Tamam hotels, restaurants, hostels aur food business karne walon ke liye Food Safety License lazmi hai. Khilaf warzi par qanooni karwai ki jayegi.
☎️ Shikayat ke liye: 9908978790 | 9059809823 | 9618554411
