ٹی جی ایم آر ای آئی ایس عادل آباد میں جونیئر لیکچرر اور ٹیچر کے عہدوں پر درخواستیں طلب
عادل آباد، 9/ جولائی(تلنگانہ وائس) تلنگانہ مائناریٹیز ریزیڈینشل ایجوکیشنل انسٹی ٹیوشنز سوسائٹی (TGMREIS)، عادل آباد نے ضلع کے اقلیتی رہائشی تعلیمی اداروں میں خالی جونیئر لیکچرر اور پی جی ٹی کے عہدوں پر تقرری کے لیے اہل امیدواروں سے درخواستیں طلب کی ہیں۔
Advertisment
جاری کردہ اعلامیہ کے مطابق ٹی جی ایم آر جونیئر کالج، اُٹنور (بوائز-1) میں جونیئر لیکچرر (کامرس) کی ایک نشست اور ٹی جی ایم آر اسکول و جونیئر کالج، عادل آباد (گرلز-2) میں پی جی ٹی فزیکل سائنس کی ایک نشست خالی ہے۔
درخواست گزار کے لیے متعلقہ تعلیمی قابلیت کے ساتھ کم از کم تین سالہ تدریسی تجربہ اور عمر 21 سے 44 سال کے درمیان ہونا ضروری ہے۔
درخواستیں 10 جولائی سے 12 جولائی 2026 تک صبح 10 بجے سے شام 5 بجے کے درمیان درگم آؤٹ سورسنگ ایجنسی، کلکٹر چوک، عادل آباد میں جمع کرائی جا سکتی ہیں۔
درخواست کے ساتھ تعلیمی اسناد، تجربہ سرٹیفکیٹ، آدھار کارڈ کی نقل، ایک پاسپورٹ سائز تصویر اور ذات کا سرٹیفکیٹ منسلک کرنا ضروری ہے۔
مزید معلومات کے لیے 83318 69171 پر رابطہ کیا جا سکتا ہے۔ انتخاب TGMREIS کے مقررہ قواعد کے مطابق کیا جائے گا۔
