پریس ریلیز
عادل آباد.30 /جولائی 2026 (تلنگانہ وائس)
شدید بارشوں کے پیش نظر عوام محتاط رہیں
سیلابی علاقوں کا رخ نہ کریں، موسمی بیماریوں سے بچاؤ کی احتیاطی تدابیر اختیار کریں
ضلع کلکٹر راجرشی شاہ کی اپیل
عادل آباد ضلع میں مسلسل جاری موسلا دھار بارشوں اور محکمۂ موسمیات کی وارننگ کے پیش نظر ضلع کلکٹر راجرشی شاہ نے عوام سے انتہائی محتاط رہنے کی اپیل کی ہے۔ انہوں نے کہا کہ ناگزیر ضرورت کے بغیر گھروں سے باہر نہ نکلیں اور ندی، نالوں، تالابوں یا سیلابی پانی کو عبور کرنے کی ہرگز کوشش نہ کریں۔
کلکٹر نے نشیبی علاقوں میں رہنے والے افراد کو خصوصی احتیاط برتنے کی ہدایت دیتے ہوئے کہا کہ ضرورت کے بغیر گھروں سے باہر نہ آئیں۔ کسان بھی شدید بارش کے دوران کھیتوں میں زرعی کام کرنے سے گریز کریں۔
انہوں نے بجلی کے کھمبوں، ٹوٹی ہوئی برقی تاروں، کمزور درختوں اور خستہ حال عمارتوں سے دور رہنے کی تلقین کی۔ اگر کہیں خطرناک صورتحال نظر آئے تو فوری طور پر متعلقہ حکام کو اطلاع دینے کی ہدایت دی۔
اشتہار۔۔۔۔۔Advertising
کلکٹرراجَرشی شاہ نے کہا کہ ضلعی انتظامیہ مکمل طور پر الرٹ ہے اور تمام محکموں کے افسران چوبیس گھنٹے صورتحال پر نظر رکھے ہوئے ہیں۔ عوام سے اپیل کی گئی ہے کہ کسی بھی ہنگامی صورتحال میں مقامی حکام یا ضلعی انتظامیہ سے فوری رابطہ کریں۔
اشتہار۔۔۔۔۔۔Advertising
کلکٹر نے خبردار کیا کہ شدید بارشوں کے باعث ڈینگی، ملیریا، ٹائیفائیڈ اور وائرل بخار جیسی موسمی بیماریوں کے پھیلنے کا خدشہ ہے، اس لیے عوام درج ذیل احتیاطی تدابیر ضرور اختیار کریں:
Advertising
- – پینے کے پانی کو لازماً ابال کر ٹھنڈا کرنے یا صاف کرنے کے بعد ہی استعمال کریں۔
- – گھروں کے اطراف کہیں بھی پانی جمع نہ ہونے دیں۔ گملے، ایئر کولر، پرانے ٹائر، خالی ڈبے اور دیگر برتنوں میں جمع پانی کو باقاعدگی سے صاف کریں۔
- – ہر جمعہ منعقد ہونے والے "فرائیڈے–ڈرائیڈے” پروگرام کے تحت گھر اور اطراف میں جمع تمام پانی ختم کرکے مچھروں کی افزائش کو روکیں۔
- – بخار، سر درد، جسم درد، قے یا دست جیسی علامات ظاہر ہوتے ہی تاخیر کیے بغیر قریبی سرکاری اسپتال یا صحت مرکز سے رجوع کریں اور ڈاکٹر کے مشورے کے مطابق علاج کروائیں۔
ضلع کلکٹر نے کہا کہ شدید بارشوں سے پیدا ہونے والی کسی بھی ہنگامی صورتحال سے نمٹنے کے لیے ضلعی انتظامیہ پوری طرح تیار ہے۔ انہوں نے عوام سے اپیل کی کہ برسات کے موسم میں محتاط رہیں، حکام کی ہدایات پر عمل کریں اور ضلعی انتظامیہ کے ساتھ مکمل تعاون کریں۔
اشتہار۔۔۔۔Advertising
The Best Management Software for Madrasas, Schools, Colleges & NGOs
مدارس اسکولس کالجس اور رفاہی فلاحی اداروں کے لیے بہترین سوفٹویئر
