مٹی کے گنیش کی پوجا کریں، ماحول کا تحفظ کریں
2 ہزار مٹی کی گنیش مورتیوں کی مفت تقسیم ۔ ضلع کلکٹر راجرشی شاہ
عادل آباد، 14 /ستمبر 2026(تلنگانہ وائس) ضلع کلکٹر راجرشی شاہ نے عوام سے اپیل کی کہ وہ گنیش چتورتھی کا تہوار ماحول دوست انداز میں منائیں اور ماحول کے تحفظ کے لیے مٹی سے تیار کردہ گنیش مورتیوں کی پوجا کریں۔
کلکٹر نے بتایا کہ تلنگانہ اسٹیٹ پولوشن کنٹرول بورڈ کے شعبہ ماحولیات و ماحولیاتی تعلیم کی جانب سے ضلع میں شہری اور دیہی علاقوں کے عوام کے لیے 2 ہزار مٹی کی گنیش مورتیوں کی مفت تقسیم کی گئی ہے۔
Advertising
اس تقسیم میں پی ڈی میپما اور ڈی آر ڈی او کے تعاون سے انتظامات کیے گئے۔
انہوں نے کہا کہ پلاسٹر آف پیرس (پی او پی) سے بنی مورتیوں اور کیمیائی رنگوں کے استعمال سے گنیش مورتیوں کے وسرجن کے دوران آبی وسائل کے آلودہ ہونے کا خطرہ رہتا ہے۔ اس کے برعکس مٹی کی مورتیوں کا استعمال کرتے ہوئے ماحول کو نقصان پہنچائے بغیر عقیدت و احترام کے ساتھ تہوار منایا جاسکتا ہے۔
Advertising
ضلع کلکٹر نے عوام سے اپیل کی کہ ہر فرد ماحول کے تحفظ کو اپنی ذمہ داری سمجھے اور مٹی کی گنیش مورتیوں کے استعمال کو فروغ دے۔ انہوں نے ضلع کے عوام سے کہا کہ ’’مٹی کے گنیش کی پوجا کریں، ماحول کا تحفظ کریں‘‘ کے پیغام کے ساتھ گنیش چتورتھی کو ماحول دوست انداز میں منائیں۔
Advertising
