کاماریڈی میں ساس کے گھر سے طلائی زیورات چوری کرنے والا داماد گرفتار
کاماریڈی، 4 جولائی (سیدکوثرعلی کی رپورٹ) کاماریڈی پولیس نے اپنی رشتہ دار خاتون (ساس) کے گھر سے طلائی زیورات چوری کرنے والے داماد کو گرفتار کرلیا۔ ڈی ایس پی مدھوسودن نے ہفتہ کے روز میڈیا کو مقدمہ کی تفصیلات سے آگاہ کیا۔
Advertisment
پولیس کے مطابق کاماریڈی گنج روڈ کی رہنے والی خاتون کوتھوری پدما نے 28 جون کی رات اپنے گھر کی الماری میں سونے کے کانوں کے زیورات، پستے، گنڈے اور دیگر طلائی اشیاء محفوظ رکھی تھیں۔ بعد میں الماری کھولنے پر زیورات غائب پائے گئے۔ اہل خانہ کے ساتھ تلاش کے باوجود کچھ پتہ نہ چلنے پر 30 جون کو کاماریڈی پولیس اسٹیشن میں شکایت درج کرائی گئی۔
Advertisment
پولیس نے تکنیکی شواہد اور مقامی اطلاعات کی بنیاد پر تحقیقات کرتے ہوئے ہریجن واڑہ کے رہنے والے چنتاکنڈا بالا مرلی کرشنا کو حراست میں لیا۔ دورانِ تفتیش ملزم نے جرم کا اعتراف کرتے ہوئے بتایا کہ شکایت کنندہ خاتون اس کی رشتہ دار (ساس کے درجے میں) ہے، اس لیے اسے پہلے سے گھر کی چابیاں اور زیورات رکھنے کی جگہ کا علم تھا۔ اسی موقع سے فائدہ اٹھاتے ہوئے اس نے گھر میں داخل ہوکر الماری سے طلائی زیورات چرا لیے۔ملزم نے مزید بتایا کہ گھریلو اخراجات پورے نہ ہونے اور کم وقت میں زیادہ رقم حاصل کرنے کی خواہش کے تحت اس نے یہ واردات انجام دی۔ چوری شدہ سونے کے کانوں کے زیورات آئی آئی ایف ایل میں، جبکہ سونے کی چین کیپری گولڈ لونز میں رہن رکھی اور تین طلائی پستے اپنے ٹفن سینٹر میں چھپا دیے۔ ملزم کی نشاندہی پر تین مختلف مقامات سے تقریباً تین تولہ طلائی زیورات برآمد کر لیے گئے۔ ڈی ایس پی نے بتایا کہ مزید قانونی کارروائی جاری ہے اس پریس کانفرنس میں ایس ایچ او نراہری اور دیگر موجودتھے۔
