عادل آباد، 3/ اگست (تلنگانہ وائس)
عادل آباد ٹو ٹاؤن پولیس نے غیر قانونی سودی کاروبار کے خلاف کارروائی کرتے ہوئے لائسنس کے بغیر بھاری شرح سود پر قرض فراہم کرنے والے ایک سود خور اور اس کے ساتھی کو گرفتار کر لیا۔
ٹو ٹاؤن انسپکٹر کے ناگراجو نے بتایا کہ گرفتار ملزمین کی شناخت دنیش کمار جیسوال (48) ساکن تاٹی گوڑہ اور نامنڈلہ کشور ساکن کرانتی نگر، عادل آباد کے طور پر ہوئی ہے۔
پولیس کے مطابق دنیش کمار جیسوال بغیر کسی قانونی لائسنس کے عوام کو 5 فیصد شرح سود پر قرض فراہم کرتا تھا اور رہن کے طور پر موٹر سائیکلیں، موبائل فون، ٹیبلیٹس، سونے اور چاندی کے زیورات وصول کرکے غیر قانونی سودی کاروبار چلا رہا تھا۔ تحقیقات میں یہ بھی سامنے آیا کہ نامنڈلہ کشور رہن رکھے گئے سونے کے زیورات کی جانچ اور فروخت میں اس کی مدد کرتا تھا۔
اشتہار۔۔۔۔۔۔Advertising
پولیس نے ملزمین کے قبضے سے 20 موبائل فون (11 اسمارٹ فون، 7 کی پیڈ فون اور 2 ٹیبلیٹس)، 4 موٹر سائیکلیں، 6 اصل آر سی کتابیں، سونے کی ایک جوڑی بالیاں، ایک سونے کا لاکٹ، چاندی کی ایک انگوٹھی اور 20 روپے کا نان جوڈیشل اسٹامپ پیپر ضبط کیا ہے۔
Advertising
پولیس نے تلنگانہ ایریا منی لینڈرز ایکٹ کی متعلقہ دفعات کے تحت مقدمہ درج کرکے دونوں ملزمین کو گرفتار کر لیا ہے۔ مزید تحقیقات جاری ہیں۔
Advertising
