کسانوں کو راحت، رعیتو بھروسہ فنڈس 30 جون سے جاری ہوں گے: ریاستی کابینہ کا فیصلہ
حیدرآباد، 18 /جون (تلنگانہ وائس) وزیراعلیٰ تلنگانہ ریونت ریڈی کی صدارت میں منعقدہ وزارتی اجلاس میں آئندہ خریف سیزن کے لیے کسانوں کو سرمایہ جاتی امداد فراہم کرنے کے مقصد سے "رعیتو بھروسہ” فنڈس جاری کرنے کا فیصلہ کیا گیا۔ اجلاس میں طے پایا کہ 30 جون کو ضلع کھمم کے مدھیرا میں بڑے پیمانے پر کسانوں کا عظیم الشان اجلاس منعقد کیا جائے گا۔
اجلاس کے دوران رعیتو بھروسہ اسکیم کے تحت امدادی رقم کسانوں کے بینک کھاتوں میں براہِ راست جمع کرانے کے عمل کا باقاعدہ آغاز کیا جائے گا۔ حکومت نے باریک دھان کی سات اقسام پر بونس دینے کا بھی اعلان کیا ہے۔ ان میں بی پی ٹی-5204، آر این آر-15048، ایچ ایم ٹی سونا، جئے شری رام، کے این ایم-1638، ڈبلیو جی ایل-44 اور کے این ایم-7715 شامل ہیں۔
وزراء نے بتایا کہ تلنگانہ کے کسانوں نے رواں سال ملک میں ریکارڈ سطح پر دھان کی پیداوار حاصل کی ہے۔ ریاستی حکومت اب تک تقریباً 80 لاکھ میٹرک ٹن دھان خرید چکی ہے، جو ایک نیا ریکارڈ ہے۔
اجلاس کے بعد وزراء ، اور نے میڈیا کو تفصیلات سے آگاہ کرتے ہوئے کہا کہ مرکز کی جانب سے تلنگانہ سے کم مقدار میں دھان خریدنے پر تشویش کا اظہار کیا گیا ہے اور ریاست میں پیدا ہونے والی مکمل فصل خریدنے کا مطالبہ کیا گیا ہے۔
وزارتی اجلاس نے خریف سیزن کے لیے تلنگانہ کے حصے کا کھاد کوٹہ فوری طور پر جاری کرنے کی بھی اپیل کی۔ ساتھ ہی مطالبہ کیا گیا کہ میں تیار ہونے والی یوریا کا بڑا حصہ تلنگانہ کو مختص کیا جائے تاکہ کسانوں کو بروقت کھاد دستیاب ہو اور نقل و حمل کے اخراجات میں بھی کمی آئے۔
اجلاس میں حیدرآباد میٹرو فیز-2 کی توسیع کے لیے مرکزی حکومت سے فوری منظوری اور مالی تعاون فراہم کرنے کا مطالبہ کیا گیا۔ وزراء نے کہا کہ بڑھتی ہوئی ٹریفک اور عوامی ضروریات کے پیشِ نظر میٹرو کی توسیع ناگزیر ہے۔
علاوہ ازیں 21 جون کو منعقد ہونے والے قومی سطح کے نیٹ امتحان میں شرکت کرنے والے تقریباً 2 لاکھ 95 ہزار طلبہ کو ریاست بھر میں آر ٹی سی بسوں میں مفت سفری سہولت فراہم کرنے کا بھی فیصلہ کیا گیا ہے۔
وزراء نے کہا کہ ریاستی حکومت کسانوں کی فلاح، زرعی ترقی اور تلنگانہ کی ہمہ جہت ترقی کے لیے پُرعزم ہے۔
