نرمل میں اقلیتی بہبود کے وزیر محمد اظہرالدین ،شبیر علی، فہیم قریشی کا پرتپاک خیرمقدم
نرمل، 27 /جون (تلنگانہ وائس)
ریاستی وزراء کے ضلع عادل آباد کے دورے کے موقع پر نرمل ضلع میں کانگریس قائدین اور عوام نے اقلیتی بہبود کے وزیر Mohammad Azharuddin کا والہانہ استقبال کیا۔ نرمل ضلع لائبریری چیئرمین سید اَرجمند علی کی قیادت میں کڈتال ٹول پلازہ پر استقبالیہ پروگرام منعقد کیا گیا۔
اس موقع پر وزیر محمد اظہرالدین کے ہمراہ حکومتِ تلنگانہ کے مشیر Shabbir Ali، ٹی ایم آر ای آئی ایس کے وائس چیئرمین فہیم قریشی اور دیگر سرکاری و کانگریس قائدین بھی موجود تھے۔
نرمل ضلع لائبریری چیئرمین سید اَرجمند علی نے معزز مہمانوں کو گلپوشی اور شال پوشی کرتے ہوئے ان کا خیرمقدم کیا۔ اس موقع پر کانگریس کارکنوں اور عوام کی بڑی تعداد نے بھی شرکت کی اور وزراء کے حق میں نعرے لگاتے ہوئے پرتپاک استقبال کیا۔
بعد ازاں وزراء اور قائدین اپنے طے شدہ پروگراموں میں شرکت کے لیے ضلع عادل آباد روانہ ہوگئے، جہاں مختلف ترقیاتی کاموں کے افتتاح، سنگ بنیاد اور پارٹی پروگراموں میں شرکت کی۔
